Alopecia
Alopecia ye la enfermedá pola cual produzse una perda anormal o rarefaición del pelo, el términu considérase un sinónimu de calvez. Puede afectar al cueru cabelludo o a otres zones de la piel na qu'esiste pelo, como les pestañes, ceyes, axilas, rexón xenital y barba. La alopecia puede clasificase n'ensame de grupos, según el so orixe y manifestaciones, pero la forma más frecuente ye l'alopecia androgénica, tamién llamada alopecia androgénetica o calvez común, que ye responsable del 95% de los casos y afecta principalmente a los varones, menos frecuentemente a les muyeres, y debe el so nome a que ta provocada pola aición de les hormones masculines o andróxenos sobre'l folículo piloso, provocando'l so miniaturización progresiva. Otres formes comunes de alopecia son l'alopecia areata, na que la perda del pelo nun ye definitiva y se circunscribe comúnmente a una área determinada; l'alopecia universal que ye la forma estensa de la alopecia areata; y la alopecia cicatricial que ta provocada por una destrucción del folículo piloso y ye polo tanto irreversible.
